Swiat grë

Magiczné Kaszëbë

Krëjamny swiat

Dôwno, dôwno temù, w magiczny krôjnie ò pòzwie Kaszëbë, żëcé płënãło zgniło i bez jiwrów. Ji mieszkańcowie – Kaszëbi, szczescé i bògactwò brelë z mòcë jantaru, chtëren òstôł ùkrëti pòd zemią przez niebiańsczégò òpiekùna kaszëbsczi krôjnë – machtnégò grifa. Szczeslëwi żëwòt Kaszëbów znikwił równak niełôp – òpi. Ten, jak zjôdł swòje ruchna, wstôł z grobù i ùderził w zwón na zwònnicë, co stojała krótkò zabôczonégò smãtôrza. W òkòlim wëmarłë wszësczé żëwé jistnotë, do chtërnëch docarł zwãk zwònu. Leno niechtërnym ùdało sã cëdã przeżëc. Na Kaszëbach panownikã stôł sã niepòrządk i òszëkaństwò, a z cemnoscë wëlazłë przegrzeszoné ùkôzczi...

Kôrta swiata

Twòrzimë swiat Magicznëch Kaszëb na spòdlim prôwdzëwëch geògraficznëch placów. Jich pòłożenié òstało zmienioné, bò place te są pòdskacënkã do twòrzeniô swiata grë w 3d, a nié jich historiczną kòpią. Pòzwë miescowòsców pòchòdzą z kaszëbsczégò jãzëka, chtëren je w zagrôżbie, ale wcyg je ùżiwóny przez spòleznã tëch, co mieszkają w nordowi Pòlsce.

Galeriô

Place w grze

W grze są place inspirowóné prôwdzëwima i piãknyma môlama na kôrce Kaszëb. Më òbezdrzelë wiele czekawëch placów, jaczé są spòdlim do twòrzeniô trzëwëmiarowëch kôrtów.

Mieszkańcowie

W swiece Magicznëch Kaszëb spòtkôsz wiele czekawëch lëdzy, z jaczima bãdzesz mógł gadac, hańdlowac i robic wiãkszé abò mniészé zadania. Historie mieszkańców są mòckò pòdpiarté prôwdzëwima wierzeniama i babónama Kaszëbów. Ni mómë równak dëtków na nagranié gôdków i synchronizacjã lëpów. Twòje wspiarcé pòzwòli nama na kùpienié sprzãtu do Motion Capture i nagranié prôwdzëwëch gôdków.

Stwórz z nama swiat grë

Twòrzimë prototip grë, żebë të mógł wlezc w swiat Magicznëch Kaszëb. Ni mómë równak dëtków na produkcjã całi grë. Czej jes na ti starnie, jes zgòdą, że ùżiwómë plików cookie. Dowiédz sã wiãcy!

Steam Page

Kickstarter